牛知己 (已結業)

世宙樓下開左好多食肆，牛知己個位最當眼吸晴，門面好大裝修好闊落，卡位設計啱哂港人口味，保留私人空間又可以傾計，坐得舒服先食得更開心。午市有好多套餐選擇，價錢實惠，尤其人蔘雞湯都係128二人份好抵食由於媽媽鐘意食肉，所以揀左馬鈴薯排骨湯配飯（$70）熱辣辣送上，胃口大增，最估唔到係份量超大，排骨勁大嚿肉，兼有3大嚿，仲超稔，好入味，薯仔大嚿又諗索哂味，仲有一大札金菇菜。濟洲牛丸雪濃湯配飯（$63）超白嘅雪濃湯見到都想飲左先，清甜美味，蘿蔔超大塊又稔，牛丸爽口彈牙除左牛丸佢仲有肥牛肉，份量絕對足夠一個男人食，抵食。好好呢度食午餐仲送任飲任食，飲品方面好多選擇，咖啡都有，味道唔錯，連韓國啤酒都有，仲有韓式焗烤甜薯，細細粒味。甜品方面仲有軟雪糕同乳酪雪糕，配料自選好玩又好味。