熨烤達人 (已結業)

天氣太熱，只好留係室內活動。係商場玩完一輪就要搵食，經過門口就比佢既人型公仔吸引一於就試下啦！等左10零分鐘就入得，嗌左一個一人韓燒套餐，同散嗌左小小野。一坐低，Staff已經準備好晒，幫我地整個邊爐蛋，可以加粟米同芝士。特級韓式牛肉套餐：雪花牛、牛肩胛骨、一口牛肉粒，肉類都好正。個人最鍾意牛肩胛骨好香肉味。散嗌左調味雞翼：味道係唔錯，問題係我唔識燒😂個皮好易燒燶🙈韓式炒雜菇：除左有小小燶味之外，係好食既份量好足，不過食唔晒，要take away.Staff都好nice，時不時過黎睇下我地有咩需要，又會傾下計走既時候仲送禮物仔比小朋友