火五越式牛肉粉專門店 (清風街) (已結業)

近排都落大雨，去翻屋企附近買外賣醫肚，見有間越南餐廳都幾抵食。 香茅豬頸肉撈檬勁大碗，大碗到我明明好肚餓都食唔哂，檬粉爽口彈牙。豬頸肉好咬，調味又足。青瓜新鮮。自己整嘅汁咸酸岩岩好，唔怕落多左會怪。非常好食！ 越式式炸春卷本身以為係網卷，原來係好似脆蝦棒嘅款式，入面餡料味道保留越式風味。餡料都好足料，調味都好夠。 香茅雞翼非常香脆可口，調味足夠，加左蔥油同乾蔥令到味道層次豐富了，更加惹味。 香茅美國黑毛豬扒果然係黑毛豬，肉質好林，味道好重。兩件都好大塊，四個人食都足夠份量。 日本芝士年糕口感好煙韌，每一口都好有彈性好軟糯🥰，入面芝士餡料都好多，煙韌控必食之選😋