炑八韓烤 (MegaBox) (已結業)

食晏去咗炑八韓烤，午餐時間好多人等位，大约等咗十五分鐘，環境寬敞，卡位又多，近門口係燒肉區。用QR Code 落單韓式小碟有芽菜、蘿蔔、土豆絲、泡菜（無限任叫）及韓式清湯一碗。芝士泡菜五花肉拌飯五花肉有肥有瘦，同泡菜一起炒味道剛剛好，芝士同粟米粒，還有一隻蛋，中間有飯把所有材料撈埋一齊，味道非常好食大滿足。另一個唔係拌飯改粉絲要加4蚊。韓式烤牛肉粉絲烤牛肉好碎好細片，有洋蔥及蛋絲，粉絲好彈牙唔會太冧。飲品方面加8蚊有一杯特飲茘枝梳打同柚子梳打，味道非常清新不太甜。