三公台灣料理 (已結業)

今日同同事去旺角處理一些事務，順便係旺角食午餐，搵左里間三公食台灣菜，佢嘅午餐幾抵食。我哋叫左香脆鹽酥雞滷肉飯套餐加配百香果白肉愛玉，另外仲有甘梅地瓜條、椒麻拼盤（金錢肚、牛舌、大腸）、水蓮及芋泥鮮奶。香脆鹽酥雞滷肉飯套餐滷肉飯很足料，有幾舊大大舊鹽酥雞，配上滷肉、酸菜、唐心蛋及蔬菜。鹽酥雞炸到很香脆，而滷肉半肥瘦，配上酸菜剛好中和滷肉嘅油膩感，非常滋味。套餐仲包括一個芒果田園沙律及一杯野飲，沙律非常清新，配酸味味沙律汁非常開胃。甘梅地瓜條地瓜條炸到外脆內軟，配上甘梅粉，好好食，另人食唔停口。椒麻拼盤（金錢肚、牛舌、大腸）椒麻汁真係里度小食精華，金錢肚、牛舌、大腸都很入味，食每口都滲出麻辣滷水味，非常惹味。百香果白肉愛玉酸酸甜甜百香果配上清爽愛玉同煙靭白肉，非常清新。飲品芋泥芋圓牛奶是套餐加錢轉嘅，另外叫左杯芋泥鮮奶，兩杯都很相似，而且香濃唔會太甜，正！