掌壽司 (已結業)

觀塘《掌壽司》日式餐廳，服務好，坐得幾舒服，食物又唔錯！而且午市定食仲有八折優惠，真係抵食！我揀咗五色刺身丼$158。丼飯上面擺滿五款新鮮嘅刺身，有三文魚、帶子、牡丹蝦、油甘魚及吞拿魚蓉，每一款都好鮮美，非常豐富。另外叫咗滑蛋北海道豬柳定食$98。吉列豬柳夠晒香脆，面上佈滿滑蛋，撈飯非常一流。定食附前菜、茶碗蒸、蜆肉味噌湯、甜品。前菜係新鮮沙律菜。茶碗蒸熱辣辣又滑，味噌湯有好多蜆肉同海帶，非常足料。甜品可以揀雪糕或者水果，我哋揀咗水果是日係哈密瓜🍈小食我哋叫咗炸餃子$18🥟同炸蠔$20🦪。餃子炸得香脆，內裡有鮮美嘅餡料，一口咬落去，好多汁。而炸蠔外脆內鮮，非常不錯👍🏻午市定食8折後全單只係$268，抵食！