森泰遠甜品餐廳 (已結業)

係餐廳樓下見到個招牌$98有半自助晚餐，咁抵上去試下先，有好幾款餐都係$98，有焗豬扒飯，白汁龍利柳焗飯/意粉，白酒白茜蝦肉意粉，其他選擇就貴小小，不過都好抵。最特別係有個榴槤炸雞，而我就叫左豬串骨配墨西哥烤餅。前菜我會推介無骨白雲鳳爪同木耳，佢醃得入味唔太酸，又夠爽口，好好味。另外就緊係飯前食蜜瓜同車厘茄啦，夠開胃。個主菜豬串骨好小地方可以食到，味道都唔錯，唔會太乾，味道調較得岩岩好。如果擔心食自助餐有問題，佢地一入到門口要量體溫同消毒雙手，出去攞自助前菜要戴返口罩，好衛生同安全。點解我咁記得，因為我唔記得戴口罩出去攞野食，比服務員叫我戴返口罩