黑布小巷

營業中

休息中

觀塘好多小店，近排又多咗一間台灣菜小店，所以過嚟試吓。餐廳係台式簡約裝修，賣大件抵食多過門面靚。小店都幾受歡迎，我哋夜晚已經好多食物售罄，本身想食台式煙燻鳳爪同埋芋圓都已經賣晒慢烤雞腿芝士蛋吐司，多士好厚切同份量好足，雞肉因為慢煮都幾嫩滑，加埋流心蛋同半溶嘅芝士一齊食幾香口同飽肚芝士吞拿魚蛋餅有滿滿嘅吞拿魚碎同半溶嘅芝士係裏面，食落好夾，唯一係外層蛋餅煎得有少少散食台灣嘢點少得台式小食！我地叫咗花枝丸配淮鹽、夜市蝦捲同地瓜QQ棒，幾鍾意個花枝丸，熱辣辣又彈牙，配上少少淮鹽幾惹味，夜市蝦捲咬落會見到蝦粒，同樣幾彈牙，至於地瓜QQ棒就甜甜地，外脆內軟飲品佢哋都有好多選擇同埋有冬瓜茶，我哋揀咗白桃烏龍茶，無糖帶點桃香，清清地都幾解渴