霸嗎拉麵 (已結業)

今日見客經過銅鑼灣這間霸嗎拉麵， 比其新推出嘅食物海報吸引住， 極上原隻龍蝦味玉拉麵， 是期間限定，衹是$148/碗， 由原隻加大龍蝦配上櫻花蝦豬骨龍蝦湯。咁吸引，當然是流曬口水，非入去食一碗不可。整碗湯拉麵有隻大龍蝦喺面，真是非常吸引，未食已嗅得鮮濃湯味。 原隻龍蝦開了兩邊，方便進食，味道確實鮮甜， 加上龍蝦頭嘅膏， 淡淡味美，肉質更彈牙爽口。 湯底濃郁，又鮮甜又惹味，有著黏口嘅感覺，證明有勁豐富嘅骨膠原素，不禁多喝幾口。配上半流心的蛋， 蛋香味美。 好滿足的一碗拉麵。羽根燒餃子， 賣相精美 ，煎得薄如絲的餃子皮，口感非常香脆。 新出的水蜜桃果汁清酒， 酒精成分比較少， 清甜嘅水蜜桃，更易入喉，不錯。