悅火 (已結業)

連續有兩日annual leave， 除咗要瞓夠休息夠，梗係要食餐好嘢慰勞吓自己。今次就搵咗間喺尖東新開嘅日本餐廳，滿足下有日本廚師嘅廚師發辦🎌🥢我揀咗悅 商務套餐嘅午餐廚師發辦。第一樣，鮑魚。鮑魚係輕輕炸脆咗，外面脆身，入面都keep到夠嫰有咬口👍🏻👍🏻第二樣，刺身兩點（油甘魚 ， 鯖魚）。刺身切咗腩位出嚟，油脂分泌均勻，好香口，唔會有好多筋，好有質感🐟第三樣，燒物盛 五品（日本迷你蕃薯，牛舌，黑豚五花腩，雞髀肉，魷魚）牛舌好脆口🐂雞髀肉燒完都仲係好滑嫰🍗迷你番薯做到喺入面滲啲料出嚟，夠香口🍠魷魚燒到啱啱好，唔會太老🦑跟著就會蒸蛋、漬物，漬物醃得入味，酸酸甜甜好開胃🤩🤩唔止咁少，壽司四貫 (帶子，金目鯛，油甘魚，赤身），吸物( 鯛魚清湯)，甜品同咖啡都接着上🤤🤤