日常素食 (已結業)

今日同媽咪嚟黃大仙，當然要食下齋啦！俾我搵到一間抵食又多選擇嘅素食自助餐😆 平日夜晚去到都唔多人，個場都幾大。入座計起食一個半鐘，好夠時間慢慢坐。入去坐低之後出去行咗一個圈，發覺都幾多嘢食😮 然後我梗係樣樣都拎啲試吓啦～ 呢一碟組合係蔬菜為主，有驚喜嘅係個菜心😂 因為咬落好爽脆，又新鮮！然後隔離個南瓜都好好食，媽咪都好鍾意😋 夠淋，又唔會太甜。茄子就一向都係媽咪最愛，好滑身易入口👍🏻然後呢一碟組合係扮肉🤣 因為我唔係食開齋，所以好好奇點樣可以做到似肉既菜式。覺得最出色嘅係個咕嚕肉，酸酸甜甜好好味，食落去有肉嘅質感。之後當然唔少得要食啲澱粉質啦，炒飯同埋上海粗炒都唔錯，媽咪就鍾意食上海粗炒多啲。然後我自己就覺得炒腸粉幾好食😋 壽司係媽咪request，不過呢度個豉油唔係日本豉油，所以加咗Wasabi都有啲奇怪🤔 唯有當佢係韓國嘅壽司咁樣食～嘢飲方面都幾健康，有蘋果汁，橙汁，同埋幾款凍嘅飲料。然後我哋揀咗熱嘅羅漢果茶，聽到有客人講話唔係每次都有羅漢果茶，潤下喉都幾好👌🏻 -食飽之後仲飲咗碗木瓜甘筍湯，清清地都唔錯！總括而言，咁嘅價錢有咁多選擇，得閒帶屋企人嚟食吓都幾好，佢哋又可以有自助餐嘅