Canadian Pizza (好順景大廈)

營業中

休息中

經過見到櫥窗有得散件買pizza，每件仲要好似加大碼咁，即刻忍唔住想當下午茶試一試。卡邦尼 $40將卡邦尼意粉食材：意式白醬、意大利煙肉、流心蛋、蒜蓉油、巴馬臣芝士等放入薄餅之中，真係第一次見，所以即刻俾佢外型吸引咗。入口即有焦脆香氣，好似食緊啱啱出爐嘅芝士包，混合流心蛋嘅蛋漿後更香濃。批底厚度適中，咬落鬆軟。薄餅份量幾巨型，食完一塊切件薄餅都飽飽地。粟米球 $42一共有12件嘅粟米球，價錢而言係有啲貴。不過味道上好香甜酥脆，每食一粒都覺得好邪惡。配埋我最愛嘅蛋黃醬，食落無咁油膩。楊枝甘露 $34比想像中更大杯嘅楊枝甘露，入面嘅材料都好豐富吓，每啖都飲到柚子同西米。不過味道就偏淡，無想像中甜，如果飲開低糖嘅應該會鍾意。