樂天大喜屋 (已結業)

同朋友食飯， 大家都話想食放題，就去左旺角「樂天大喜屋」，地點夠方便，而且坐位算舒服，手機落單夠方便，而家有乳鴿點，仲有刺身、 壽司、炸物及泰式串燒食品等，自助區有好多冷熱食品甜品自由取，價錢又抵，食物品質也不錯。乳鴿上枱熱辣辣，脆卜卜，算多肉，肉質嫩滑。刺身大大件，尚算新鮮鮮味，尢其極品大赤蝦刺身及三文魚刺身非常肥美。壽司多款特色壽司值得一試， 例如黑松露劍魚腩壽司、 彩色芒果吉列蝦卷，也非常美味。黃金焗開邊蝦都算大隻，香口惹味，蝦肉鮮甜。飲品有包裝罐裝等，另有自助冷熱飲品多款選擇，甜品亦有多達十款，仲有雪糕雪條提供。