牛一 (屯門市廣場1期) (已結業)

好少入屯門，專登搵左間平平地嘅自助火鍋好彩冇令我地失望揀左午餐90分鐘＄128嘅set揀左鴛鴦鍋，一個係壽喜燒，一個係季節限定嘅藥膳鍋藥膳鍋好多藥材係入面，但味道實在太似飲緊大補湯，可一不可再壽喜燒係正常一定唔會伏嘅湯底，會愈煲愈濃，雖然好口渴但係好甜好適合打邊爐單係醬料已經有好多選擇，面類都有好多款式，仲有汽水區，Frozen Yoghurt可以揀好多配料除左打邊爐嘅火鍋料，仲有啲熟食，我好推薦佢嘅咖哩非常有日本咖哩風味，可以配碎粒和牛炒飯除左自助拎火鍋料，都有得再加點肉類，海鮮等等我地就再加點豬肉同牛肉，仲有生蠔同蝦滑跟set嘅豬肉食落有陣騷味，但自己落order個陣相對新鮮好食而生蠔都幾鮮甜蝦滑就完全唔推薦，好似食緊粉漿咁，完全食唔到爽口彈牙嘅感覺呢間店都幾多一個人黎食午餐邊爐，係幾抵食，同埋種類都多。