十二味 (LADDER Dundas) (已結業)

勁好食，又勁抵食。行過諗緊唔知食咩好，喺街度見到個阿姐拎住個牌，見到有特價午餐又係食川菜，所以上咗去2樓度食。點知一試好有驚喜， $68就有一個勁大碗嘅水煮魚，魚都有好多塊同埋冇骨，而且仲有好多芽菜，同埋仲有酸辣粉，味道超正唔止夠辣又夠麻，估唔到平平哋$68都咁足料，而且仲有一杯菊花茶送，同埋黑木耳嘅前菜非常滿足。雖然係集團式，但味道非常地道，值得一試，同埋見到隔離枱嘅麻辣香鍋好似都好正，希望下次你可以試吓啦。