泰角海南雞 (已結業)

今日完成咗件重要嘅事，當然要賀一賀佢啦！落到旺角，老公話想食泰國野(可能係因為有排都無得去所以掛住掛🙈)，經過女人街，見到門口有五隻雞，就估到呢度主要係食雞飯，再睇清楚啲，原來係食泰國菜嘅，咁就啱晒喇！我地坐低後叫咗個二人餐，有青木瓜沙律，串燒拼盤，海南雞飯，冬陰公湯麵同油菜，加6蚊仲可以揀泰式特飲，老公仲叫多但生菜包添海南雞飯嘅雞都算滑，飯又唔係好油，啱晒我食，老公嘅冬陰公湯麵都幾入味，酸辣度適中，青木瓜沙律雖然只係小辣，不過都夠辣，仲好有泰國風味生菜包我地叫咗中辣，雖然豬肉係鹹咗少少，但係食得出用咗好多香料嚟炒，仲食到有鹹魚味，同其他舖頭食嘅好唔同，可以一試