木船泰國粉麵專門店 (已結業)

餐廳環境配合店名，以木製船做主題，吊燈有特色，好有格調。menu上除左有泰式菜款，仲有西式焗飯、小食等。叫左招牌燒豚肉飯定食($88)，XO醬炸豬扒飯($60)，鳳爪沙律($42)，水牛城串燒雞翼($32)。豚肉面上鋪滿大量青木瓜絲，非常爽脆。套餐附有既小食雞卷、蛋沙律、朱古力蛋糕仔都好出色，好用心煮，唔只係配角咁簡單。豚肉邊燒邊塗上燒辣醬汁，肉嫩多汁，冇燒到變乾。而且好似愈食愈多塊既感覺，不過食食下feel到辣，但過癮。白飯估唔到係粒粒分明，燒肉汁滴哂落飯到，飯量甚至男仔都可能食唔哂添呀。跟餐有雞湯或冬蔭公湯，冬蔭公湯果然冇揀錯。椰香、香茅味重，仲有菇一齊煮，好多料，唔算好辣。炸豬扒飯送上枱個陣嚇一嚇，因為好大份好多塊豬扒。豬扒足足有3大塊，脆口肉唔乾，而且唔係熱氣油膩個款，好juicy，一啖肉一啖飯，好易就KO哂。XO醬鹹鹹地後勁帶辣，配豬扒食又唔錯。鳳爪辣味過癮，而且爽脆，直接食唔駛吐骨。大量蔬菜紅蘿蔔絲、番茄仔、洋蔥攪拌，成碟都埋滿哂。而小食黎講，份量幾乎係出面餐廳既double。串燒雞翼燒得焦脆，而且好易就食到d肉。整體，食物份量多到驚人，但價錢好親民，而且食物質素好，食到泰