影片
更多
2024-03-19
844 瀏覽
大飯堂甜品小食屋價錢💲: $66/ $90好味程度😋: 3.7/5 (甜品4.3/5)服務🍴: 3.7/5環境🗾: 3.4/5性價比🥢: 5/5!!!回頭率😚: 4/5-冬菇亭而家有d已經翻新成餐廳，净係保留個頂的特色。好似呢間係大圍美林邨的餐廳，就係呢種啦。朋友前排係咁叫我去，話性價比極高。去完之後，我都完全有同感，因爲包任食沙律、羅宋湯，定量小食、主食、甜品同飲品。男仔去食都一定超級飽！-✅沙律/羅宋湯。沙律正常，係新鮮的生菜、洋葱同栗米。醬汁有胡麻醬或日式沙律汁，當作係清清味蕾都唔錯。-✅小食-炸燒賣/雞翼。小食上的炸燒賣一般，唔夠脆同埋椒鹽唔夠多，無咩味。燒賣都比較粉。 炸鷄翼好d，入面有味，唔會炸得太乾☺️-✅✅麻香海蜇手撕雞飯。麻香海蜇手撕鷄飯鷄肉份量唔少，肉質滑嫩，雖然唔好追求有咩新鮮鷄味，但調味非常香口，又好撈飯😚全部鷄肉都無骨，除左鷄翼同鷄翼尖。麻油味重，加d辣椒油花椒味，有d海蜇爽爽地，多重口感。要來送飯，適合不過😉-✅大盛丼飯。另一款主食揀左大盛丼飯，呢款有齊豬牛雞三款肉。分別係牛肩胛、鷄扒同黑豚里脊。燒汁夠多撈飯，全部肉都唔乾的。鷄扒有最啖啖肉的感覺😌呢款無手撕鷄
價錢💲: $66/ $90
好味程度😋: 3.7/5 (甜品4.3/5)
服務🍴: 3.7/5
環境🗾: 3.4/5
性價比🥢: 5/5!!!
回頭率😚: 4/5
-
冬菇亭而家有d已經翻新成餐廳，净係保留個頂的特色。好似呢間係大圍美林邨的餐廳，就係呢種啦。朋友前排係咁叫我去，話性價比極高。去完之後，我都完全有同感，因爲包任食沙律、羅宋湯，定量小食、主食、甜品同飲品。男仔去食都一定超級飽！
-
✅沙律/羅宋湯。沙律正常，係新鮮的生菜、洋葱同栗米。醬汁有胡麻醬或日式沙律汁，當作係清清味蕾都唔錯。
-
✅小食-炸燒賣/雞翼。小食上的炸燒賣一般，唔夠脆同埋椒鹽唔夠多，無咩味。燒賣都比較粉。 炸鷄翼好d，入面有味，唔會炸得太乾☺️
-
✅✅麻香海蜇手撕雞飯。麻香海蜇手撕鷄飯鷄肉份量唔少，肉質滑嫩，雖然唔好追求有咩新鮮鷄味，但調味非常香口，又好撈飯😚全部鷄肉都無骨，除左鷄翼同鷄翼尖。麻油味重，加d辣椒油花椒味，有d海蜇爽爽地，多重口感。要來送飯，適合不過😉
-
✅大盛丼飯。另一款主食揀左大盛丼飯，呢款有齊豬牛雞三款肉。分別係牛肩胛、鷄扒同黑豚里脊。燒汁夠多撈飯，全部肉都唔乾的。鷄扒有最啖啖肉的感覺😌呢款無手撕鷄咁突出，但肉食者都可以試試呢個。
-
✅✅夢遊仙境/ 椰子椰青凍。前面的唔洗加錢，入面有芋圓、紅豆粒、西米露、水晶同椰汁底。配料比較豐富。芋圓都煙韌，但比較多粉的感覺。水晶好似蒟蒻咁。紅豆粒大粒得來都唔會太甜。另一款+$5的都好值得，因為佢有原個椰青水凍，食落好清甜，係天然椰子水的味道加埋個底濃郁的椰汁🥥同西米，成個甜品超級椰子控🤤
-
六十幾蚊已經可以食到超級飽，呢個價錢無得輸！質素唔係話超好食但唔差🤭甜品仲要係濃椰子！
張貼
