Piccolo Pizzeria & Bar (爹核士街) (已結業)

黃氏力牆 繼續來到 堅尼地城搵食 ， 我朋友介紹 呢度食pizza ，好鬼正 我不得不介紹畀大家， 真係好正 阿媽 逢星期一二， 薄餅買一送一，星期三四 意粉 就會 買一送一 ，我哋三個大人一個小朋友， 叫咗兩個pizza家 一個沙律 結帳都只需300蚊， 仲平過 某大連鎖店 嘅薄餅 。坐得又舒服，又有格調，環境 冇得頂，樓底又高 。我哋今晚食素， 叫咗一個芝士四重奏嘅pizza，以及 一個番茄羅勒葉 芝士pizza ， 原因係佢哋嘅爐係用真炭爐嚟做燒烤 pizza ，但係我就會比較推介芝士四重奏 ，因為我係芝士迷， 呢個pizza會比較重口味，若然你係重口味就必須要叫呢個pizza。另外田園沙律 選用嘅菜亦都好新鮮 ，當然我呢一度嘅目的係食pizza， 如果大家有機會 星期一二嚟嘅話，一定一定要嗌兩個pizza 嘆。