源味甜品小食 (已結業)

第一次食呢間小店時係兩年既事，店面依舊細細，完全唔起眼，但見糖水價錢超抵，所以幫襯左，點知，食過就番唔到轉頭，平均一個月食兩至三次。之麻糊都係由15加到17，蕃薯糖水就13加到14，依然咁抵。泥襯呢殊都主要食兩款，芝麻糊或蕃薯糖水，前者17蚊，後者14蚊雞，用料足，味道元勝，且價錢相宜。芝麻糊芝麻磨得好實在，好濃稠，唔係開粉溝水，每啖都食到同望到真係有芝麻磨製出來既漿口感。蕃薯糖水就係我老姐最愛，因蕃薯量多，大大舊，同薑汁味濃，好暖胃。每兩個星期都泥幫襯或者外賣仔番屋企做甜味，一來好味又抵食，二泥係支持一下咁用心製作既特色小店，始終咁有特色又惠顧街坊既小店真係買少見少了。