遇見花蓮

營業中

休息中

晚上六點前去咗北角電氣道183號友邦廣場13-14號舖的遇見花蓮台式餐廳，餐廳寬敞舒適。原本想食晚餐，但原來餐廳下午茶時段去到六點，於是嗱嗱聲叫了下午茶餐。花蓮一品臭臭鍋配薯粉$98可以選擇辣度，我們選了小辣，臭臭鍋內的食材十分豐富，有臭豆腐，鴨血，血米糕，豬大腸，粉絲，冬菇，枝竹，娃娃菜，蕃茄，鵪鶉蛋，貢丸，豚肉片，蜆等。臭臭鍋是鍋內有臭豆腐而得名的，其實佢一啲都唔臭，仲好好味添。花雕雞卷滷肉飯 配：紫菜貢丸湯及地瓜條$46雞卷充滿花雕酒香味，滷肉飯很入味，地瓜條酥脆內軟綿。士林鹽酥雞$36食台灣嘢鹽酥雞是不可或缺的小食，鹽酥雞炸得外脆，雞肉嫩滑夠Juicy，唔會太鹹，夠惹味。黑糖珍珠奶茶及芋香珍珠奶茶跟餐每杯加$8，大大粒的珍珠加埋香滑的奶茶，又唔太甜，兩杯奶茶真好飲。古早仙草三色芋圓跟餐加$22，仙草滑溜，芋圓煙靭有咬口，這是我至愛的甜品。遇見花蓮餐廳啲嘢好食，又冇加一，真係抵食，值得去完又去。