影片
更多
2018-10-27
3261 瀏覽
呢餐飯係慶祝我同男朋友拍拖4周年的~本身是在某團購見到呢間, 諗住上openrice睇下佢d食評~點知原來openrice做緊個promo仲抵過團購~如是者, 我地就打去book位, 用openrice個discount去食了呢間野其實近何文田, 我地要從旺角嗰邊行過去~ 行大概15-20分鐘吧?地點位置係差左少少~ 但食物味道卻喜出望外呀坐低冇耐, 首先一人來一份海膽配蟹籽沙律~因為做緊海膽主題, 所以每位都有一份~海膽配蟹籽沙律海膽新鮮~ 佢有提供紫菜畀我地夾住食的~鮮甜~ 唔錯唔錯~然後出去拎野食喇~ 其實佢地方係細, 但都幾多野食wo!唔似有d酒店地方大, 但都係得好少野食~第一時間, 當然要狗衝去拎鵝肝食我地2個都係鵝肝怪! 因為岩岩開始冇耐,所以都多人想拎鵝肝~ 個師傅好努力咁煎~但一出就會畀人拎晒, haha, 因為佢冇限一人拎幾多~不過我都係等左一轉姐~ 順手就拎埋羊架同蒜蓉多士~鵝肝好多地方都係配多士的~ 但佢係配一舊林林地的包~ 食落有少少似泡芵個皮。and, 呢度鵝肝冇汁配的~ 但佢超大舊!! 一啖放入口.. 真係冇得頂!!!超滿足!羊架香口, 唔會太乾, 亦
本身是在某團購見到呢間, 諗住上openrice睇下佢d食評~
點知原來openrice做緊個promo仲抵過團購~
如是者, 我地就打去book位, 用openrice個discount去食了
呢間野其實近何文田, 我地要從旺角嗰邊行過去~ 行大概15-20分鐘吧?
地點位置係差左少少~ 但食物味道卻喜出望外呀
坐低冇耐, 首先一人來一份海膽配蟹籽沙律~
因為做緊海膽主題, 所以每位都有一份~
海膽配蟹籽沙律海膽新鮮~ 佢有提供紫菜畀我地夾住食的~
鮮甜~ 唔錯唔錯~
然後出去拎野食喇~ 其實佢地方係細, 但都幾多野食wo!
唔似有d酒店地方大, 但都係得好少野食~
第一時間, 當然要狗衝去拎鵝肝食
我地2個都係鵝肝怪! 因為岩岩開始冇耐,
所以都多人想拎鵝肝~ 個師傅好努力咁煎~
但一出就會畀人拎晒, haha, 因為佢冇限一人拎幾多~
不過我都係等左一轉姐~ 順手就拎埋羊架同蒜蓉多士~
鵝肝
35 瀏覽
0 讚好
0 留言
鵝肝
好多地方都係配多士的~ 但佢係配一舊林林地的包~ 食落有少少似泡芵個皮。
and, 呢度鵝肝冇汁配的~ 但佢超大舊!! 一啖放入口.. 真係冇得頂!!!
超滿足!
羊架
香口, 唔會太乾, 亦唔會太大舊~ 好食~
蒜蓉多士
冇特別~
跟住我去左餐車拎即切牛扒同火腿~
牛扒ok, 幾juicy
火腿
冇特別
跟住食魚生同芝士焗扇貝~魚生
新鮮~但我只係試左3文魚~
芝士焗扇貝
味道都唔錯, 但細粒左d~
再拎熱盤食~ 佢熱盤區都放得幾密集~個位細細但都好多款熱盤!
唔知其他地方得幾個~
辣油花螺
唔太辣, 略嫌螺肉唔夠爽(可能係我不嬲都麻麻地花螺)
炒辣蟹
味道幾好~ 但蟹細隻, 所以冇乜肉
炒蜆
炒蜆好好食, 我拎左好多
味道好好, 但算係重口味的~
食完要飲水~
龍蝦湯
ok, 有少少粒粒龍蝦肉
凍蝦/蟹腳
鮮甜! 尤其係蟹腳! 好多地方嗰d都冇味的~
但呢度嗰d有鮮甜味! 讚!
蒸海斑碟魚岩岩拎出來就畀我見到, 我一野就拎左個魚腩
當然油香好味!
甜品有movenpick雪糕同燕窩雙皮奶~
movenpick雪糕
冇記錯好似有3隻味~ 朱古力, Vanilla同士多啤梨~
識食當然係食朱古力! 但嗰陣我已好飽了..
所以只係食左一杯~
燕窩雙皮奶
29 瀏覽
0 讚好
0 留言
呢個好食! 我一個人食左3碗
佢有大量蒸住等你去拎~ 唔洗擔心會冇~
其實仲有好多其他甜品的~但我食唔落了
食到最後, 岩岩隔離枱對情侶, 有侍應拎左件cake畀佢地~
裝cake個碟寫左happy birthday字樣~ 寫得好靚的~
原來係個女仔生日~ 聽佢地講~ 佢地都係買團購的~
但只要book位時同佢地講聲, 就會有呢個生日驚喜畀佢地
早知我都同佢地講我地4周年啦
下次下次, 下次我會記得嫁喇!
成餐飯都食得好滿足~ 好味!
雖然酒店舊d, 地點又遠dd, 但真係物超所值,
最後我地用openrice價, 每人都只係$380有找~ 唔洗加一!
或者, 可以下年周年記念再來過丫
張貼
