影片
更多
2008-04-11
10 瀏覽
有次男朋友話去soho區食法國菜,於是喺呢個網頁揾咗幾間俾我揀,我見到其他評家影出嚟啲相,餐廳情調同埋食物都好似唔錯,幾吸引,又見到人地寫有"黑松露忌廉湯"同甜品有"心太軟",於是決定試試呢間。我地book咗枱,入到去燈光好暗,情調好好,我地2個人,居然俾張4人枱我地坐,啲櫈都大張舒服,整體環境唔錯。打開餐牌,有啲失望,因為無咗我想食ge黑松露湯同埋心太軟,我諗佢係定時會轉吓餐牌ge野食架。先嚟ge係麵包,好脆,但舊牛油就好硬,好難搽；我地叫咗2個set,一個set揀咗煙三文魚凱撒沙律,平時我係唔食煙三文魚架,但呢個我居然食,而且成個凱撒沙律味道都醒胃；另一個我唔記得咗係咩。跟住我地揀咗一個南瓜湯同埋洋蔥湯,南瓜湯當然好味,唔會太"傑",洋蔥湯就普通咗啲...主菜揀咗銀雪魚同埋西冷扒(5成熟),先講個銀雪魚,塊魚煎得好香,啲魚好滑,又唔腥,佢個汁入面有啲杏脯肉,少少甜酸咁,令個銀雪魚唔會因為白汁而變得太"溜"。至於西冷扒,雖然叫咗5成熟,但佢做得都唔太生,唔會話好多血水(所以中意食生啲ge朋友,千祈唔好叫7成熟啦,否則會好熟),個扒好有牛味,肉質彈牙,不過份量就少咗啲。甜品揀咗個藍梅梳
我地book咗枱,入到去燈光好暗,情調好好,我地2個人,居然俾張4人枱我地坐,啲櫈都大張舒服,整體環境唔錯。
打開餐牌,有啲失望,因為無咗我想食ge黑松露湯同埋心太軟,我諗佢係定時會轉吓餐牌ge野食架。先嚟ge係麵包,好脆,但舊牛油就好硬,好難搽；我地叫咗2個set,一個set揀咗煙三文魚凱撒沙律,平時我係唔食煙三文魚架,但呢個我居然食,而且成個凱撒沙律味道都醒胃；另一個我唔記得咗係咩。跟住我地揀咗一個南瓜湯同埋洋蔥湯,南瓜湯當然好味,唔會太"傑",洋蔥湯就普通咗啲...
主菜揀咗銀雪魚同埋西冷扒(5成熟),先講個銀雪魚,塊魚煎得好香,啲魚好滑,又唔腥,佢個汁入面有啲杏脯肉,少少甜酸咁,令個銀雪魚唔會因為白汁而變得太"溜"。至於西冷扒,雖然叫咗5成熟,但佢做得都唔太生,唔會話好多血水(所以中意食生啲ge朋友,千祈唔好叫7成熟啦,否則會好熟),個扒好有牛味,肉質彈牙,不過份量就少咗啲。
甜品揀咗個藍梅梳乎里同埋蕉糖布甸,梳乎里係好正宗嗰隻,一食落口就變晒泡嗰啲口感,幾得意；蕉糖布甸就牛油味好香,塊蕉糖非常薄,有技巧,唔會太甜,正!!
到咗餐飲,諗住無乜特別架啦,但嚟到西餐廳,緊係試吓咖啡啦,於是就咁叫咗熱杯咖啡,男朋友就凍檸水。但估唔到佢杯普通ge咖啡咁正,我平時都有飲開咖啡ge習慣,雖然唔太識品評咖啡,但覺得佢個咖啡真係好好味,侍應只俾咗少少奶,加咗入咖啡後,一飲落口係好滑ge奶味,隨後有陣好香ge咖啡味留喺口度,我真係無飲過咁好味ge咖啡,當時好有衝動問個侍應係咩咖啡嚟,點解可以沖到咁特別ge味道...可惜最後都無問到。
用二百幾蚊可以喺soho區食到一餐法國菜真係算抵食,而且味道又好好,我下次一定會再去,同埋要問埋個侍應佢地嗰啲係咩咖啡!!
張貼
