更多
2010-07-22
真係連我都估唔到,芝脆雞都降臨大埔。我又發現到,芝脆雞同薄餅店既餐牌係大同小異。兩間應該係兄弟店。不過,芝脆雞既分店就多過薄餅店好多好多啦。海鮮意粉個忌廉汁真係好濃,而且有好多既海鮮。雖然知道係雪藏既,不過有咁多既海鮮都夠架啦。最小俾我知道係落足心機啦,而個意粉算幾煙韌彈牙,對我黎講好滿足。炸雞我一直都好鍾情呢度既炸雞,炸雞皮脆肉嫩。食落啖啖肉,呢炸雞仲可以去邊度搵到呢?呢餐都係三十幾蚊,都食到我好飽好飽。仲有咩可以強求呢?
張貼