逸亭餐廳 (已結業)

一直聽朋友講話利景酒店逸亭餐廳D食物水準唔錯，一直都想試吓，咁啱今個星期六約咗班朋友聚舊，早幾日就上Openrice睇下啦！嘩！有6折優惠券喎，食評又唔錯，咪即刻Book定檯啦！到咗星期六，12:15到達，基本自助餐應有D食物佢都有，首先我就黎個沙律先，D蔬菜好新鲜，之後就試下D魚生啦，三文魚同吞拿，Wow～好肥美。再嚟就試下冷盤，有翡翠螺、蟶子、蜆等，食落清甜無沙，又唔錯喎！到食熱盤啦，烤雞我又怕熱氣，見到有蒸魚就試下啦！蒸得啱啱好，好滑～咁啱有個高大嘅大廚行過嚟，佢介紹我嘗試下個肉骨茶，咦！又幾特別喎，就要了一碗試試，好有味道，唔多味精～正，冇介紹錯！！食食吓想食D飽肚野啦！見到有麵同海南雞飯，梗係要每樣試D啦，我要咗甘荀麵同芝麻麵，整好之後有2款湯底俾我自己揀，我鐘意辣就梗係要辣湯(喇沙湯)，Wow～好濃味。到食海南飯飲啦，D雞去哂骨，啖啖肉，我鐘意～太飽啦！要掃甜品啦，首選梗係要食雪糕啦！有4款口味揀，配料有好多款，啱哂我。總括嚟講，食物水準都唔錯，而服務方面，待應收碟速度都算快，有禮貌，成日見到有一個高大的大廚周圍睇食物情況雖唔雖要refill, 又會見佢幫公公婆婆取食物，好