影片
更多
2020-01-05
1697 瀏覽
近日餐廳改左名做農場餐廳，好似連menu都轉埋，以往有$28肉醬意粉（雖然都冇食過），但改名後好似冇左。但仍有我鍾意食的豬扒意粉配蒜蓉汁加牛脷，都只係$64咋。塊扒依舊大大塊，加$15就有三片牛脷。牛脷超腍，豬扒煎到脆邊，塊扒有少少脂肪，煎到勁香，怕肥嘅我都忍唔住要食埋呀。意粉唔會煮過腍，配蒜蓉汁一流😋。仲有少少菜，係椰菜同番茄，中和下肉嘅油份。朋友叫嘅係9安士西冷（$88），仲有肉眼選擇，貴少少 ，9安士都係$98咋，呢個就留番下次試啦。嘩，9安士對於我黎講都幾大份喎，男士或者可選12安士。塊扒夠晒厚，order 左五成，店員真係煮出五成的效果，絕不馬虎。可配黑椒汁/香草汁/牛肝菌汁等等，選擇夠多，梗有一款啱你。呢間餐廳係呢區食扒的不二之選，價錢親民又好食。但如果你你為左食環境或者要同朋友吹水，可能就要另覓地方喇。
朋友叫嘅係9安士西冷（$88），仲有肉眼選擇，貴少少 ，9安士都係$98咋，呢個就留番下次試啦。嘩，9安士對於我黎講都幾大份喎，男士或者可選12安士。塊扒夠晒厚，order 左五成，店員真係煮出五成的效果，絕不馬虎。可配黑椒汁/香草汁/牛肝菌汁等等，選擇夠多，梗有一款啱你。
呢間餐廳係呢區食扒的不二之選，價錢親民又好食。但如果你你為左食環境或者要同朋友吹水，可能就要另覓地方喇。
張貼
