富臨皇宮 (已結業)

因為疫情關係唔可以出外攪聚會，我們幾個好朋友就去左住在土瓜灣欣榮花園的同事家打麻雀，近晚飯時間要醫肚，朋友說商場富臨皇宮因肺炎疫情，推出指定外賣食物有折扣，平左好多，大家都同意買些回來大家食。外賣菜式都唔錯，有小菜、燒味、小食、主食等，全部都有折，價錢真係抵過自己煮。韮黃蝦仁炒蛋，蝦仁爽口，炒蛋滑嫩，加左韮黃更好味！魚香茄子煲，加入肉碎和少許咸魚碎做成濃濃的醬汁，味道鹹香，茄子林滑，伴均勻醬汁食好惹味！生炒糯米飯，糯米飯軟硬度剛剛好，用切碎的臘腸和蝦米炒，口感軟糯，香口又夠味。