Mee...lemongrass (彩園廣場) (已結業)

開始可以出街食夜晚飯之後，我都唔敢話周圍去食飯，都係揀d附近既餐廳。聽落好似好求其，但係其實呢間絕對唔求其，調番轉我覺得佢絕對係其中一間北區最好食既餐廳之一。首先我覺得餐廳環境好乾淨企理，用餐時都好舒服，食物質素更加係好高。首先一定要講呢個秘製特色牛骨湯河，性價比絕對係100分，料勁多勁豐富，牛肉牛腩夠淋又充滿牛味，牛丸煙韌彈牙，牛柏葉爽口，另外個湯底都勁出色，搞到我忍唔住飲哂成個湯。跟住令我覺得無得彈既係呢碟馬拉盞炒秋葵。廚師處理得好好，秋葵食落完全唔會有滑潺潺既感覺，調番轉個質感好爽好好味，我從來無食過咁好味既秋葵，因為我本身唔係太鐘意果個味道，而家少少辣非常惹味。仲有叫左一品牛柳粒，鐵板上令個牛柳粒更加惹味，蝦餅彈牙皮夠簿得黎又脆，最後軟殼蟹米紙卷賣樣靚，餡勁足料好好味。