一鳴拉麵

營業中

休息中

我叫咗個原味嘅豚骨湯拉麵，麵底選擇咗細麵/普通硬度，配料叫咗豬軟骨。另外叫咗一個明太子芝士玉子燒。首先講一講拉麵湯底嘅味道，湯底味道比較濃郁，有香濃嘅豬油味道，質感比較厚。拉麵本身冇乜味道但因為湯底濃郁所以食起上嚟一啲都唔失色。豬軟骨正常。明太子芝士玉子燒我就略嫌有一點失色。首先玉子燒嘅處理非常好，熟嘅程度啱啱好有些少流質嘅感覺。食落去嘅時候都食得出中間夾咗嘅芝士，但芝士嘅味道略嫌不足，可以更加濃郁。另外明太子只靠面頭上嘅醬料味道比起芝士更加淡。但我覺得仍然係可接受範圍之內。總括而言，計埋價錢、質素在內，非常推薦呢間餐廳。