影片
更多
2023-08-19
9 瀏覽
今次同老公拍拖揀咗嚟將軍澳呢間泰國餐廳食飯，2個人300零蚊埋單食到勁飽…肉碎生菜包本身我係超鍾意食生菜包，所以去親食泰國嘢都會叫，呢度都無令我失望，我哋揀咗少辣都好惹味，生菜上枱時係冰凍，而且好新鮮乾淨爽脆，食完會想再食。老公因為食得辣所以話再辣啲應該會更惹味，所以佢話下次要賣甩我叫返正常辣度😂串燒（3串）我哋叫咗雞牛豬各一，全部都燒到好香口，裡面keep到肉汁，跟埋嘅沙嗲醬好香好好食，我拎埋嚟撈飯🙈原條菠蘿海鮮炒飯炒飯加埋菠蘿好香甜，海鮮都唔少，有青口、蝦、魷魚，再有好甜嘅燒菠蘿，俾我老公食晒👍🏼冬蔭功湯金邊粉（雞肉）冬蔭功好香，揀左少辣都好香口，好有椰香，青檸味都好出，微酸好惹味，金邊粉軟硬度適中，呢個$62好抵食，有麵仲可以飲埋湯，我哋差唔多清晒碗😂食泰國嘢我一定會叫珍多冰🍹，有得飲又有嘢咬，但呢度嘅珍多冰真係好大杯，仲要只係38蚊，你睇佢拍埋落杯正常size嘅青檸可樂度，就知大杯幾多，超抵飲👍🏼食完飯仲可以喺出面慢步一吓，掛滿晒燈都幾浪漫㗎👍🏼
肉碎生菜包
本身我係超鍾意食生菜包，所以去親食泰國嘢都會叫，呢度都無令我失望，我哋揀咗少辣都好惹味，生菜上枱時係冰凍，而且好新鮮乾淨爽脆，食完會想再食。老公因為食得辣所以話再辣啲應該會更惹味，所以佢話下次要賣甩我叫返正常辣度😂
串燒（3串）
我哋叫咗雞牛豬各一，全部都燒到好香口，裡面keep到肉汁，跟埋嘅沙嗲醬好香好好食，我拎埋嚟撈飯🙈
原條菠蘿海鮮炒飯
炒飯加埋菠蘿好香甜，海鮮都唔少，有青口、蝦、魷魚，再有好甜嘅燒菠蘿，俾我老公食晒👍🏼
冬蔭功湯金邊粉（雞肉）
冬蔭功好香，揀左少辣都好香口，好有椰香，青檸味都好出，微酸好惹味，金邊粉軟硬度適中，呢個$62好抵食，有麵仲可以飲埋湯，我哋差唔多清晒碗😂
食泰國嘢我一定會叫珍多冰🍹，有得飲又有嘢咬，但呢度嘅珍多冰真係好大杯，仲要只係38蚊，你睇佢拍埋落杯正常size嘅青檸可樂度，就知大杯幾多，超抵飲👍🏼
食完飯仲可以喺出面慢步一吓，掛滿晒燈都幾浪漫㗎👍🏼
張貼
