至尊重慶雞煲 (堅拿道西) (已結業)

銅鑼灣多數嘅食物都比較偏貴，想飽肚、好食、價錢又抵嘅話，今次比我發現到一間，就係喺銅鑼灣時代廣場對面嘅依間至尊重慶雞煲，印象中以前都食過一次，今次再試下，估唔到都有意外嘅驚喜，真係超級抵食又好食，性價比勁高🤩👍🏻依度嘅地理位置都幾方便，行完時代廣場，過對面鵝頸橋就到，加上呢度嘅職員服務態度都唔錯😚最重要嘅係嘢食好抵食，一個價錢就有齊晒嘢飲、熟食、火鍋配料、甜品雪糕，全部都係任食㗎！首先一嚟到嘅係雞煲份量真係超多，兩個人食，就咁食雞煲已經好飽，而且雞煲肉質鮮嫩，仲落咗大阪醬等等嘅調味料，味道豐富😛我最推介嘅係依度嘅雪花肥牛👅依度嘅牛肉味道好濃郁，好有牛味，而且肉質好鮮嫩，咁嘅價錢食到咁高質嘅食物，真係幾抵㗎😋另外依度嘅海鮮都好正！特別係魷魚🦑魷魚超級彈牙，我連續叫咗三碟😆