隱日本料理 (已結業)

今日客人約咗我喺中環太子大廈連接歷山大廈橋口要落10級樓梯左右嘅新日本餐廳「Kakure隱日本餐廳」食午餐，我點左「煙燻雞腿御膳」Smoked Chicken Gozen，飽到上心口，包括煮大根（即是白蘿蔔，呢個幾好味，有啲瑤柱）、茶碗蒸（燉蛋、用的木魚湯食得出是新鮮製的）、日式雜菜沙律（冇乜特別，沙律醬汁喺超市都買到）、刺身兩種（有吞拿魚和不知什麼白色的魚，呢個反而冇乜特別鮮甜味）、銀雪魚鐵板燒（味道唔錯）、主菜日本雞肉飯（用日本的櫻花目燒着然之後煙燻，一打開個木蓋即刻冒煙，香噴噴！👍啲日本雞肉味道都好！）、味噌煮（其實這個汁係倒入鐵板銀雪魚度，鹹度啱啱好！）$450再加一，$500也！想不到中環太子大廈的日本餐也不太貴！😳客人點了的是剁碎左嘅吞拿魚魚生飯，走葱，看來她也滿意，$260再加一。呢度嘅裝修非常之靚，坐得又舒服，根本想像不到太子大廈會有這個相宜價錢的日本餐廳，以後約朋友或者客人喺中環見面又多一個非常之好嘅選擇。