四寶食堂 (已搬遷) 新店位置

前幾日中午去左依間四寶食堂食午餐，地方細細，坐既位置唔算多，約二三十個位左右，坐得算幾逼下。佢地食品種類唔算多，主要都係豬扒、雞扒，配搭飯、麵、通粉或沙律咁。賣相都算幾好，價錢絕對對得住質素！叫左推介嘅蔥油豬扒飯，豬扒煎得非常香，蔥油配搭豬扒口味非常唔錯。豬扒份量都算幾大，仲有煎蛋同火腿，女仕未必食得哂。隔離叫左叉燒蛋飯，睇落都唔錯，下次都可以試下。飲埋杯餐飲即磨咖啡，真係一個相當唔錯嘅午餐！希望以後食品款式可以多的啦！