美味廚 (已結業)

難得疫情緩和，今晚放工同老公去左美味廚食上海菜。之前成日行aeon, 見到美味廚都唔少客人出入， 應該唔錯， 今晚黎試下。未黎之前就做晒功課， 睇下有咩好食。蟹肉瑤柱羹＋排骨菜飯（85蚊）：個羹有唔少蟹肉同瑤柱， 味道唔錯， 加少少醋有d似去飲d湯羹。排骨擺滿個飯上面， 排骨偏甜。台式炸豆腐（18蚊）＋炸大腸（48蚊）：炸豆腐外脆內嫩， 仲有汁。炸大腸係切左片先拎去炸， 食落去每一面都係脆， 豬腸冇怪味， 係好食。食個下隔離枱叫左砂鍋魚頭煲好吸引， 賣相都唔錯， 下次要試。d 樓面姐姐好好招呼， 服務態度好。