友和士多

營業中

休息中

每次黎鴨脷洲，必定要幫襯友和士多，事關呢度嘅懷舊糕點新鮮又好食。坐地鐵南港島線出利東站，A出口斜對面就到，非常方便。今日帶左阿媽黎，佢話一眼睇中茶果，3款餡係豆沙花生眉豆，要晒3款啦，$10有3個嘛。我就每次都要食豆沙西米糕，仲有漲卜卜嘅煎堆。兩隻為食貓出咗門口嗱嗱聲啪晒茶果同煎堆，真係食到lam lam脷！帶好口罩返入友和士多，阿媽話要買光酥餅同埋魚皮花生，梗係好，我都有份食嘛。我仲話最好買埋馬仔同南乳椒鹽餅乾，阿媽話我醒目。下次要帶老豆黎潮聖。