上海美味一品香菜館

營業中

休息中

上星期日同家人食飯，發現有一間上海菜，好耐冇食，所以試下。睇其他食評呢間喺排隊小店，所以都早啲到攞位。見到門口貼住，人齊先入坐，都好合理。今時今日，餐廳都想轉多幾檯。後尾門口姐姐問人幾時齊，我答佢最多5分鐘，佢就叫我坐低先。叫左三個客飯，小籠包，春卷，銀絲卷貼酸辣湯。再望一望餐牌，見到有個雜錦拼盤，應該係涼菜。就叫一碟試吓。睇個價錢都唔平，但係一上枱，就知道非常抵食。好大碟，如果去其他新派上海菜，份量可能得呢度嘅三分之一。最重要係，好有上海味道。 好滿意呢度嘅食味。下次一定再嚟。