十三少 (已結業)

十三少酸菜魚開左咁耐終於有時間去食，講食物之前要讚讚佢地既服務，職員就好有熱心介紹菜單，又好好態度，值得一讚。椒麻皮蛋：紅油辣同咸都適中，唔會過量，夾埋一齊好好食，不過坦白講好多地方既皮蛋都整得好好食，所以水準正常，唔算特別大驚喜。川式口水雞：雞好嫩滑，個紅油麻辣比皮蛋既咸少少。口水雞非常惹味，食唔停口。十三少酸菜魚（少辣）：湯底好香，飲完唔會覺得好咸同埋口渴，問返職員先知原來係用新鮮魚骨煲出黎既。至於魚肉方面唔係用鯇魚，而係盧魚，魚肉無骨得黎仲啖啖肉，仲要食極都有，份量比想像中多！好！多！非常之抵食。整體係好食而且仲有驚喜，今次食到太飽食唔到個糍粑，下次黎要再試😝！