華香雞 (已結業)

今日近觀塘嗰邊放工， 朋友介紹去咗<華香雞>食家常餸。 華香雞歷史悠久，最近卷土重來， fusion 菜食得多，有傳統嘢一定去試！餐廳位於觀塘舊工廈區樓上店， 行一層樓梯就到。餐牌主打當然係食雞， 仲有其他養生小菜，飯餐，智能煲系列，家常餸菜炆排骨。。 等等我哋梗係要揀出名嘅華香雞， 一於来個雙拼， 招牌華香雞拼烏龍茶香雞（ 例牌$70，雙拼 ＋$10）。 前者雞皮夠爽， 雞肉唔夠滑但幾結實， 有雞味。 烏龍茶個款又唔覺有茶薰香嘅味道， 反而有豉油雞味。附設嘅三款醬料各有特色：沙薑蓉 薑蔥蓉和 麻辣醬。 麻辣醬非常滋味唔會太辣，炒得好香仲有啲薑蓉喺裏面。欖角白鱔 ＋ 白米飯碗 $65白鱔比較細件， 肉質肥美不過多骨， 欖角有獨特嘅香味， 仲加咗檸檬吊味又唔會過鹹， 非常美味。 白飯好有米香， 配白鱔嘅汁一流！黃酒雞配白米飯 $50濃濃嘅酒香， 煮得進入味嘅係木耳。 雞件就預咗粗嚡， 女士們吃相當補身～😋梅菜菜心。 估唔到梅菜都可提升菜心本身嘅鮮甜， 特製器皿keep住熱 仲夠曬原汁原味， 簡單一味淥菜都可以送飯～例汤: 南瓜紅蘿蔔， 夠曬清潤！ 餐廳標榜唔落味精， 食得