古早味休閒台灣 (已結業)

今日相約左一個好耐無見既朋友出黎行街，唔知係呼因爲太耐無見，所以特別多野講，所以行到咁上下，我地搵左一間坐得比教舒服既餐廳坐低食個tea，繼續吹水。結果，比我地搵到呢間古早味。我地比佢既招牌吸引左，覺得好有風味特色，同佢個名一樣好有古早既味道。下層門口既另一邊無賣台式飲品。餐廳既位置位於樓上，沿路經過既梯級，佢既牆壁都係畫左好多色彩繽紛既壁畫，望落去特別醒神。入到餐廳後，比我既感覺大大不同，壁畫就再沒有了，簡簡單單以綠白色、木系為主，坐落非常舒服😌下午茶非常抵食，價錢都係$48，仲可以用半價優惠價加一d台式小食。同埋可以加錢轉台式飲品。我地都係叫左古早味牛三寶麵。牛三寶包括牛筋、牛腱、牛肚。牛筋又滑又腍，牛腱大大腱，佢既size 可以過佔左碗麵既一大半，肉質軟腍，而且好香口，非常入味。牛肚亦都大大條，而且好爽滑。湯底味道十分濃，忍唔住飲左一大半碗湯，一d味精味都無，就算飲完d湯都唔會覺得口渴。鳳梨檸檬水果茶 $33呢杯真心抵飲。水果茶味濃，真材實料。入面既水果種類多到數唔駛。例如、菠蘿、西瓜、士多啤梨、火龍果、奇異果、檸檬、等等，生果非常新鮮。跟餐飲都係補返差價🤗，抵到爛。檸檬冬瓜蜜