GO熊小館 (俊和商業中心) (已結業)

今日經過中上環， 突然想食台灣嘢， 見到呢間小店 隻熊仔咁得意， 見仲有一張枱，就入咗去試下， 果然味道同分量都唔錯。 紅燒豬軟骨麻辣拌麵除咗豬軟骨之外其實仲有台式肉燥， 呢個辣度較為溫和， 反而突出咗佢啲乾蔥嘅味道， 豬軟骨夠淋， 分量好多， 唔錯唔錯 凍香芋珍珠奶茶台式飲品中，香芋珍珠奶茶都算係我頭幾位選擇， 味道唔錯唔太甜 ， 配辣嘢食， 正！ 細份鹽酥雞鹽酥雞最怕佢炸得太乾身， 呢個都幾juicy， 細份都唔少，兩個人都夠食 炸豆腐呢個真係要講講呀，我坐低見對面兩枱客都叫呢個食，仲要encore， 原來呢度係可以叫啤酒飲㗎，1664同Stella都有，呢個炸豆腐表面係有木魚碎，應該係連豆腐一齊炸，再配泰式辣醬，好惹味， 當佐酒小食，一流。