甜圓坊

營業中

休息中

深水埗呢間舖的台式芋圓冰勁抵食，超大份，兩個人可能都食唔晒。配料有紅豆，薏仁，芋圓，珍珠，豆蓉，番薯丸，芋頭，配上甜甜的煉奶，真係滿足得來又透心涼。每樣配料都好多，d丸子又好Q彈，好似去咗台灣咁。鹽酥雞又係勁抵食，分量超多，仲要熱辣辣即叫即炸，外皮香脆，雞肉嫩滑，都係必食。另外，仲加咗個蛋餅，但味道就冇咩特別，可以唔使試。食完真係飽到上心口，而且價錢仲要好抵，平靚正之選。座位都算多，去嗰日都唔使等，上菜速度極快。