桂花小幸 (新都城中心) (已結業)

同家姐喺新都城買完賀年禮品之後大家都覺得肚餓，見好耐冇食台灣嘢就過咗嚟桂花小幸！紅燒牛筋三寶米線：爽滑米線配上微辣惹味又唔會過鹹嘅湯底，牛筋、牛肚同牛腩都好入味而且份量多👍🏻鹽酥花枝丸：薄薄嘅脆漿緊緊包住花枝丸，同出面買嘅唔同，呢度嘅花枝丸除咗有一粒粒嘅花枝肉之外仲更加鮮味同有彈性👍🏻手工肉鬆芝士蛋餅+地瓜薯條：雖然係下午茶但係份量都唔少，充滿蛋香嘅蛋餅包住滿滿嘅肉鬆同芝士餡料！香脆嘅地瓜薯條香甜而且一啲都唔油膩，仲好食過普通薯條❤️鹽酥雞排：鹹香惹味又酥脆嘅雞扒肉質嫩滑juicy👍🏻芝士奶蓋鐵觀音：鐵觀音茶味甘甜同芝士奶蓋好夾🥤芝士奶蓋桂花烏龍茶：家姐話有淡淡桂花香飲落好清新😊