牛壹台食 (已結業)

真係好掛住台灣！雖身在香港卻心繫台灣🥺 招牌紅燒牛腱心半筋半肉麵 - 湯嘅味道偏向清淡牛味唔算太重，所以飲完都唔會完好口渴。牛腱心肉肉質軟腍頗有質感。牛筋咬落煙韌唔會太硬。牛肉嘅份量非常慷慨，呢一碗麵有幾舊大大塊嘅牛肉食完好夠飽！碗面嘅特別之處就係可以選擇關廟麵。但可惜麵煮嘅時間耐左，令到麵質偏腍缺少彈牙嘅口感，始終都係台灣嘅最好食。另一樣主食就係必食滷牛肉飯 - 滷肉飯就食得多，滷牛飯就真係第一次食😋 滷牛肉質鮮嫩，份量十足，配有特製滷肉醬汁、酸菜同埋滷水蛋，配搭恰到好處。配上兩杯少甜消暑凍飲就當自己去咗一轉台灣吧！