好媽媽台灣館 (已結業)

之前都係食滷肉飯同鹽酥雞扒，見朋友極力推介麻油雞，所以今次試吓。佢個麻油雞套餐幾抵食，$68有滷肉撈菜，飲品 #百香果綠茶 ，好好飲又唔太甜。估唔到套餐都大大碗麻油雞，啲雞好滑，好香麻油味可以飲下啲湯，碗飯都幾大碗，不過略嫌硬左少少，所以用啲麻油汁撈飯唔錯。我好鍾意食佢嘅醬汁糖心蛋，另外加就$10 一隻。 因為套餐唔可以轉烏龍麵，單叫麻油雞烏龍麵就$48，不過佢加$22就有一杯嘢飲同三款小食揀其中一款，我朋友揀咗滷水豆腐，我就覺得有少少酸味🤔佢哋仲送糖水#薑汁芋圓 ，芋圓就唔係太煙韌，不過好夠薑味，我都幾鍾意。埋單每人$80都唔使。