春禧堂台灣料理餐廳 (已搬遷) 新店位置

鐘意食台灣牛肉麵，知道春禧堂於尖沙咀逆市下新開，今次就同朋友一齊試下。餐廳都幾大，以湖水綠做主調，感覺清新幾舒服。Menu都有幾多嘢揀，我地揀左：三寶紅燒牛肉麵 $75一啲都唔孤寒，啲料比得好足，全都大大件，有牛腩，牛筋，牛肚，滷得非常入味，牛筋好軟滑，入口即溶，牛腩有兩大件，一啲都唔韌，牛肚帶嚼勁。麵條🍝幼身，Q彈，索了湯汁，味道口感都唔錯。湯底濃而不膩，亦唔會好鹹，蘿蔔索了湯都好食。秋分鮮雞鍋 $108 跟米線 $12入秋，最啱食雞鍋進補都下。有雞件，娃娃菜，豆腐，雞髀菇，金菇等，發揮正常，個湯清甜有鮮味。天氣涼左，開住個火熱住咁食，成個人好暖🥰滷水豬手$48有三件，炆得好軟嫩入味，豬皮好滑，滿滿骨膠原😍原味豆乳 加$8豆漿都好飲，可以揀少糖少冰👍🏼，濃郁，唔會太甜。芝士奶蓋紫薯鮮奶 跟餐$33 加小芋圓 $8跟餐減五蚊，都幾大杯，好多紫薯😍，飲落唔會太甜，芝士奶蓋鹹鹹地，芝士奶蓋連埋鮮奶一齊飲就剛剛好，唔會太滯。本身想試埋個仙草，可惜餐廳話冇貨😩，唯有下次先啦。宜家仲做緊仼食大閘蟹套餐，係平台上買Coupon 只係每位$358另收$39加一。