小麻吉滷肉飯 (已結業)

早幾日行街經過旺角通菜街，諗起朋友介紹過呢一間小麻吉滷肉飯，又平又好食😋咁啱又到晚餐時間，即管入去試一試店舖嘅裝修簡潔明亮，牆身有一大幅台灣夜市嘅壁畫，色彩繽紛🌈食物選擇有好多，大量台灣地道小食，滷肉飯，乾拌麵等等🤤見到都肚餓，開動🍽️坐低就用QR落單，同朋友一人叫咗一個大滿足定食🥢每個都食都可以自選飯/麵一個，主菜一個，小食一個，飲品一杯，仲送埋小黃瓜同台灣小香腸添🙊勁豐富，果然係大滿足。甘香滷肉飯🍚滷肉好夠味，唔會太碎，配飯食好有口感，而且醬汁都幾多，夠撈晒成碗飯，淡淡滋味。另一份主食係肉燥麻醬乾拌麵，麻醬勁多好掛麵，連埋肉燥食好夾。呢度嘅飯底同麵底份量都幾多，男仔都絕對夠食。主食逢甲鹽酥雞🐔味道啱啱好，唔會太濃太膩，都有成6件。脆香雞翼都幾大隻，外層皮脆，入面有肉汁。呢度嘅炸物做得真係幾出色，好香口又唔會好油。小食酥炸花枝丸，入面真係有墨魚粒😍口感勁好。阿嬤炸餃子，菜肉餡夠飽滿，外層同樣炸到十分酥脆。飲品有十分多選擇，當然以台式特飲為主🧋叫咗胚芽奶茶同抹香綠茶，兩杯都加咗珍珠🤪正啊!