鐵花村 (愛群商業中心)

營業中

休息中

同女兒去北角探舅婆，臨走路經丹拿道，見有間食台灣菜的餐廳，叫做鐵花村，從門口睇到入面天花板掛滿一個個手畫小天燈，牆上也貼滿了台灣地圖，感覺如置身於台東鐵花村的街道上。好有台灣感覺，吸引我哋入去食晚餐，感受一下充滿台灣風情嘅環境和美食。餐牌上全都是正宗的台灣菜式。酥炸排骨麵：排骨都好大塊，炸得外脆肉嫩唔油膩，麵亦好彈牙，重有半隻滷蛋、蘿蔔、等配料。蚵仔麵線：蚵仔麵線的口感濃郁，香味十足。蒜味台灣香腸：香腸皮脆肉香，其口感紮實，嚼勁十足，煙韌多汁。加埋蒜片更好味！椒鹽鹽酥雞：老闆娘話將雞切得大舊，咁樣炸果時可以保持肉汁，令雞肉更嫩滑。食落真外脆內嫩，一啲都唔會硬，灑上椒鹽甚惹味，味道鹹甜適中、香味濃郁。肉鬆起司蛋餅：蛋餅嘅餅皮煙煙韌韌，帶有淡淡蛋香。餡料有肉鬆同芝士，香甜之餘，仲有有少許鹹味，味道和口感一流。上面淋上醬汁，令味道更有層次。