台灣麵 (已結業)

有時都會去始創地庫食野，曾經去過，今次再去見到店內裝潢很新，門口有摩天輪，餐廳內有天燈燈飾，食桌上有小天燈擺設，甚有台灣的特色，每處都可以跟朋友打卡，享受美食。見到餐牌上有台式夜市牛扒，非常吸引，加$1就有第二份，又或者改選後頁的飯，小食，麵都好抵食。兩個人食真係好抵，配搭又多樣化，仲可以開心share台式夜市牛扒配上黑椒汁很惹味，牛肉有肉汁，微紅，肉質嫩滑。仲有太陽蛋流心很滋味，薯仔切角去皮，很creamy又有口感。紅燒牛肉麵是我最常吃的台式料理，牛肉入味，半筋半肉充滿骨膠原，麵質彈牙，湯底微辣，我覺得唔錯。小食點了酥炸腐皮蝦卷，我對香口野情有獨鍾，餡料是爽口墨魚膠及蝦膠，酥炸腐皮很滋味。特飲都唔錯，四季春水果茶用上台灣高山特級茶葉，茶味香濃，配上繽紛的水果，味道酸甜。黑糖芋芋鮮奶奶味香，仲有芋泥很幼滑，加入黑糖很香甜。