九份飽 (蜆殼街) (已搬遷) 新店位置

因為工作關係, 成日經過見到呢間餐廳排滿人, 好猶豫究竟因為咩原因會有咁多人喺度等候, 終於忍唔住約埋閨蜜一齊嚟試下。七點未到, 門口已經開始排隊店舖細細, 店員都有兩至三個做樓面, 可能因為疫情關係, 外賣也比較多。兩個女孩子樣樣都想食, 叫到一枱都係, 都係咁嘅價錢, 真係好抵食叫咗台灣香腸, 海苔肉鬆蛋餅, 第一次喺香港食台灣腸係加蒜片, 朋友說這才是正宗, 入口有啲辣, 但係沒有搶到香腸嘅味道, 唔錯。蛋餅好豐富, 有肉鬆同海苔, 入口已食到海苔味, 同埋再加上芝士, 蛋餅點上辣醬一同入口, 好豐富, 其他台灣餐廳未必食得到。值得推介食台菜又點可能少得滷肉飯, 魯肉飯係迷你版, 但係好好味味, 啖啖肉, 半肥瘦, 呢個一定要叫牛肉麵, 不過不失, 肉質冧, 易入口。另外冬瓜排骨蛤蜊湯就一般, 蜆唔係好多, 比較普通, 再加兩杯凍飲蜂蜜綠茶同蜂蜜檸檬, 呢一餐飯食得好滿意。唯獨是可能係食飯時間, 店員運作方面比較混亂, 同埋嘈, 呢方面需要改善。