棠記雲吞麵 (已結業)

雲吞河 + 可樂一罐($16) ~ 放假見冇野做就專登出葵涌廣場行下街 , 1點幾見肚餓就搵左呢間表姐推介既鋪仔食午餐啦 , 叫左一碗雲吞河好快就送到黎 , 嘩!!! d皮係透明架 , 可以望到入面既蝦肉 , 就連我唔食得蝦既都比佢吸引住要破戒試返碗 , 果然係爽口彈牙, 而且加埋醋食簡直冇得頂~~~咁平價值但係份量又多wor , 飽飽好滿足。宜家係一間餐廳食個碟頭飯加埋飲品都過$30 , 呢度竟然$16就埋到單 , 難怪食客不間斷咁出出入入 , 只係差在環境比較狹窄 , 坐得唔係幾舒服。